موقع السيد الحسني موقع سماحة المرجع الديني الأعلى آية الله العظمى السيد الحسني
|| ذِكــــر: | حسن الهلالي | زين العابدين الكربلائي | محمد العابدي | طـــه السعيدي | هشام العبودي | محمود البديري | حيدر البديري | علي البديري | محمد العايدي | علي الغزالي | محمود البديري
|| ذِكــــــــر الأشبــال: جعفر الحميداوي | باقر البديري | باقر الفهد | محمود الفهد | زين العابدين البديري | مجتبى الديواني | محمد الصرخي | مصطفى البغدادي | احمد الخليفاوي | مهدي الحمزاوي | محمد الشمري | مؤمل البغدادي | محمد احمد | حسين ميثم
نص القصيدة :
يامهدي يامهدي العدل غايتنه
……………………………….
جينه.. ننشر عِلِم ننشر مفاهيم
جينه .. ونْعِيد للناس التعاليم
جينه.. انگل للمنافق كافي تهديم
جازونه .. جَنِدَوا ضدنا كل الإعلام
جازونه… حسبونا خارج دين الإسلام
وصبرنه .. لأجل الشريعة ورفعة الدين
وصبرنه.. ناخذ عزم من طف الحسين
والله وعلي .. الخلگ تدرينه
غير الوطن .. احنه ما والينه
……………………………
ردنه .. ننشر أدب ننشر الطاعات
ردنه .. للخوة نرفع أعلى رايات
ردنه .. ننهي الظَّلم ننهي المتاهات
غايتنه .. الاعتدال يصير عنوان
غايتنه .. النَّاس كلها تصير خوان
ومشينه .. بهذا الطريق ونبقى ماشين
ومشينه .. للسلم والحب دوم داعين
بعلم وفكر .. نريد نصنع أمه
ونهج الظلم .. بالمحبة انهدمه
………………………………….
شنسولف .. يا آه نشرح يا بن الأطهار
شنسولف .. عن الوَلي لو عن الأخيار
شنسولف .. والدار ما ظلَّت بعد دار
ظلمونه .. شافونه ننصر دين الإسلام
ظلمونه.. صدروا بينه حكم الإعدام
وعيونك .. يالمنتظر جرونه بحبال
وعيونك .. طلبوا يامهدي رضا الدجال
يالمنتظر .. انعاد موقف هاني
والناصبي .. شگد غصص راواني
……………………………..
وينك .. ذبحوا يمهدي حتى الاطفال
وينك .. وشلون أوَصِفْ واشرح الحال
وينك .. شفنه الذي ما چان عالبال
نادينه .. يمتة الفرج يا نور العيون
نادينه .. ردناك يابن الطاهرة عون
والأعلم .. مَمْنُوع يسكن سيدي بدار
والأعلم .. تشتا گله بكل ساعة الاخيار
يبن الحسن ..حيل مشتا گيله
صبح ومسه.. ينتصر ندعيله .